Il cour da l’Open Doors Engiadina fuorman ils edifizis da differentas epocas. Vulessast tü avrir pel public üna chesa speciela, ün’abitaziun attractiva u ün atelier interessant? Que at spetta ün evenimaint unic cun stupends inscunters e nouvas experienzas.
Dvainta commember da nossa famiglia Open Doors Engiadina ed annunzcha ün edifizi: office@opendoors-engadin.org
Nus ans allegrains da pudair organiser cun te duos dis inschmanchabels!
Scu ingrazchamaint per tia contribuziun t’invidainsa cun accumpagnamaint a la saira d’avertüra da l’Open Doors unica per giasts invidos.
Che voul que dir d’esser partenari d’edifizi?
- Tü evrast tias portas düraunt la fin d’eivna da l’Open Doors e nus pisserains cha tuot funcziuna sainza problems.
- Tü decidast, da che uras cha vulessast avrir l’edifizi e per quauntas persunas. Noss voluntaris s’occupan dals visitaduors e’ls mainan tres l’edifizi. S’inclegia cha eir tü scu partenari d’edifizi, tieus collavuratuors u persunas partecipedas al fabricat paun der infurmaziuns relevantas sül lö.
- Nus registrains tuot las pretaisas specielas per tieu edifizi, scu per exaimpel ün’accessibilted redotta u infurmaziuns da sgürezza. Quellas infurmaziuns dains inavaunt als visitaduors tres noss chanels d’infurmaziun e directamaing al lö tres noss voluntaris.
- Il dossier dals partenaris d’edifizis cun ulteriuras infurmaziuns chattast CÒ